Marjolein Grimme wint Tiende finoale Grunninger Veurleescup 2004

Wonsdag 31 meert 2004 was de finoale van de Grunneger Veurleescup 2004, omdat Meertmoand Dialectmoand is.
In de Zeehondencrèche van Paiderboeren wer streden om de eerste drij ploatsen. Eerst waren der al veurrondes holden in de dr. K.Schilderschool in Beem en OBS De Mieden, Maiden.
Doar deden 42 leerlingen oet de hoogste klazzen van 25 basisschoulen in de pervinzie Grunnen aan mit, n recordaantal!. Hiervan gingen twaalf noar de finoale.

Noa n spannende stried koos de jury drij winnoars:

1. Marjolein Grimme van OBS De Tichel in Oostwold

2. Niels Hamming van basisschoul De Poort in Ten Boer

3. Pieterjan Kloosterman van GBS De Handpalm in Lains

Lenie 't Hart langde de drij Veurleescups oet.
Jury beston oet Henk Scholte, Jane Heyden en
Jantina Wijpkema, winnoares van de Grunneger Veurleescup 2003.
Zai haren t ter slim stoer mit.
Bert Huizenga het boudel nuver aan mekoar proat dij middag.
Veur ale finalisten waren der nog kedootjes
van de Zeehondencrèche en van t Huis van de Groninger Cultuur.
Van Stichting Kostverloren kregen ze,
omdat de veurleeswedstried veur de tiende moal holden wer,
nog t bouk 'Abbedoedas' van Gré van der Veen kedo.
Ale kinder dij mitdoan hebben aan de Tiende Veurleeswedstried
kregen van Kostverloren n schier maauwhemd mit opdruk.

Stichting Kostverloren