Kostverloren DEE T'WEER meert 2004

Kostverloren DEE T'WEER - Stichten Kostverloren haar veur de moand meert vanwege Meertmoand-Dialectmoand n schier programma oetfigelaaierd. t Thema was 'Kostverloren dut t weer'. Stichten Kostverloren organiseerde in 2004 veur de vieftiende keer activiteiten dij n boeiende, aandere en vernijende kiek geven op de Grunneger toal en cultuur.. Stichten Kostverloren haar veur dizze gelegenhaid aan vaaier fotogroafen oet de regio de opdracht geven n foto te moaken van wat zai in en aan heur gebied biezunder vinden. Ale mörgens binnen biezunder goud bezöcht. n Klaaine beschrieven van de programmaonderdailen:

Programma meertmoand-dialectmoand
"zundag 7 meert 2004
Kerkje Olschans
11.00 - 13.00 uur

presentoatsie Henk Bleker
muziek Klaas Spekken en Alex Staal
schriever/dichter van nou J.K. Harms
bekiek t Willem Friedrich
bekeken Frits Bontkes Gosselaar
dou der denken om Jan Walma brocht Jokkob Heres tot leven op tekst van Harm van der Veen
bouk bie kop Hanny Diemer
as de muren proaten konden Reint Wobbes
dikke verhoalen vieftien joar Kostverloren mit Ep Krijgsheld
Gedeputeerde Henk Bleker, n bestuurder dij t Grunnegers beheerst as gain aander, laaidde ons dizze morgen deur t pergram Noast muzikoale biedroagen van Klaas Spekken begelaaid deur Alex Staal - wel kent ze nait - kwam vanzulf ook schrievrij aan bod Zo vertelde Hanny Diemer over n bouk wat zai bie kop haar en was J.K. Harms onze schriever van nou. Veur t verleden roemt Kostverloren ook aaltied tied in. In de rubriek 'dou der denken om' ging t dizze raais over Jokkob Heres. Jan Walma droug veur wat Harm van der Veen oetstokt haar. t Kerkje van Olschans het veul mitmoakt. As de muren nou ais proaten goan zollen, wat zol we din heuren? As ie t waiten wild haren, haren ie noar Reint Wobbes luustern kommen mouten. Stichten Kostverloren mag din wat körter bestoan as t kerkje, dikke verhoalen binnen der genog. Op zien gehail aigen menaaier het Ep Krijgsheld doar ais n boukje over open doan. Willem Friedrich, , Olschans in aigen persoon, mor ook n biezunder fotogroaf, was vroagd om n foto te moaken over wat hai in t landschop biezunder vindt. Wat hai 'bekiekt' het, is deur Frits Bontkes Gosselaar van kommentaar veurzain worden. .................."

Beeldverslag DUT T'WEER

DUT T'WEER Ol Schans
DUT T'WEER fotoopdracht

Programma meertmoand-dialectmoand
zundag 14 meert
kerk Garnwerd
11.00 - 13.00 uur

presentoatsie Henk Scholte
muziek Törf
schriever/dichter van nou Gerrit Wassing
bekiek t Klaas Wildeman
bekeken Ben Westerink
bouk bie kop Harm Schepers
dou der denken om Bert Huizenga brocht Geert Raainders tot leven
op tekst van Harm van der Veen
as de muren proaten konden Reint Wobbes las n verhoal van Jaap Stienstra
dikke verhoalen vieftien joar Kostverloren mit Ep Krijgsheld

Dij dag was t kerkje van Garnwerd ploats van handeln. t Is n kerkje woar in t verleden biezundere dingen gebeurd binnen. Jaap Stienstra wis persies wat muren ons vertellen wollen. Reint Wobbes las ons derover veur. t Hoesorkest van Kostverloren, Törf, het ons muzikoal deur de culturele kovviemörgen laaid en haar gain wiedere introductie neudeg. Zeker nait minder kwaliteit het Gerrit Wassing. Hai was de schriever van nou, winnoar van de literaire pries van stichten 't Grunneger Bouk en van de Tine Clevering-Meijerpries. Harm Schepers nam n bouk bie kop dat joe noa vandoag vast en zeker biebleven is. De foto van de streek is moakt deur Klaas Wildeman, en Ben Westerink vertelde ons wat ter zo biezunder aan is. Dou der denken om: wel aans as Geert Raainders? Hai was oetkozen en beschreven deur Harm van der Veen, en wer tot leven brocht deur Bert Huizenga. Dikke verhoalen kwamen ook dizze moal oetgebraaid aan bod. Ep Krijgsheld kin wat dat betreft oet n roeme ervoaren putten van 15 joar Kostverloren. Mor ook de man dij ons op zien aigen rondborstege menaaier deur dizze mörgen laaidde, kin der wat van. Wel aans as Henk Scholte, bekend van radio en nog veul meer

Beeldverslag DUT T'WEER

DUT T'WEER Garnwerd
DUT T'WEER fotoopdracht

Stichting Kostverloren