Kees Visscher

Marga Kool, Jan Veenstra en Geert-Jan Brader maoken met heur Drèentse verhaolen, gedichten
en leeidties een reis deur de tied.
Van de jaren vieftig of, an de sporen van heur geschiedenis langs.
Een programma vol humor, mooie herinneringen, weemoed en zölfspot.
Ze duren aachteroetkieken, mor vandaog en de dag van mörgen worden niet vergeten.

Marga Kool is diekgraof, schriefster en dichteres en streektaolactivist.
Zij was eein van de oprichters van Stichting Het Drentse Boek.
Heur Drèentse gedichtenbundel Achter oen ogen binnen zowat tiendoezend van verkocht.
Aander boouken van heur binnen: Hoogspanning, Kleine Kathedraal, Op-eschoond.
Zij hef ok teneelstukken, radioteksten, cabaret en leeidteksten schreven.
In de jaoren niggentig was zij dippeteerde van cultuur.

Jan Veenstra, hoofd communicatie bij een energieleverancier en schriever van verhaolen,
columns, teneelstukken en leeidteksten. Hij schref al Drèentse verhaolen sinds de jaoren
'80. Die binnen bundeld in Die nacht een feest, Wieder hef e de novelle Zangeres
van zulver en de detective Tammo Tiesing en het liek op zolder schreven.
Boetendes hef e een column in 't pregramma Cassata van Radio Drenthe.
Hij kreeg veur zijn schrieverij de SNS-literatuurpries.

Geert Jan Brader is hoofd psychiatrisch verpleegkundige en musicus
(toetsenist, gitarist en zanger). Hij maokt al meer as 15 jaor meziek in
verschillende bands, met verschillende genres.
Hij was slim succesvol met de band "Brader & Co".
Hij tred op as solist, bijveurbeeld. als vaste begeleider bij 't cultuurprogramma
'Taal aan Tafel' in Veeningen.
Sinds kört zingt e ok Drèentstaolige leeidties.

Stichting Kostverloren