|
|
| |
Jan Kornelis Harms is geboren in 's Gravenzande op 01-02-1933 oet Grunneger olders.
t Gezin verhoesde in 1936 noar Nijwolle, Oldambt.Hai ging in 1946 noar t Gemaintelk Gymnasium in Winschoot. Familie verhoesde in 1952 noar Middelbert vlak onder Stad. In t zulfde joar dee e eindexoamen-alpha aan t Willem Lodewijk Gymnasium. Hai studeerde Olle Toalen en Olle Geschiedenis aan de RUG. Van 1959 tot 1963 gaf e les aan t Dr. Aletta Jacobs Lyceum in Sapmeer. Dou kreeg e n volledege boan aan t Willem Lodewijk Gymnasium. Doar was e 29 joar waarkzoam. Eerst in 1995 begon e verhoalen en gedichten in t Grunnegers te schrieven. Dij raauwe Oldambtster tongval wör - thoes - verzaacht deur toudoun van zien Hogelandster ollu. Resultoat van dizze schrieverij is verschenen in t literair tiedschrift Krödde en mit nog wat aander verhoalen in n bundel: Dood struunt deur t Oldambt (1998). In 2004 verscheen n twijde bundel Aan raand van tied. Tussendeur verschienen in Krödde regelmoateg nije gedichten en verhoalen van zien haand. J.J. Harms woont tegenswoordeg in Hoaren. |
|
| Stichting Kostverloren |
 |
| © copyright 2005 |
|